|
＠一起步剛旅行回港的癲佬已唔多得，所以先去沙田坳士多大休…成功屈了一記豆花！
  
＠開始上麥徑了，為一普通斜度的梯級，但行得一陣，帶病的癲佬同久未出山重裝的通訊員野貓未熱到身，已經有撻皮現象…我同隊員競於是玩下赤腳上山順便等下人，感覺太Free 咧！上到近頂在右手面會有明顯山路一條，正是一登雞胸山的正途。
 
＠途中回望左面有一小坑，應是雞胸南坑，應該都有少量攀爬可玩。山頂的德性…零風景但都隱約有涼風…係晨運好地方。
 
＠我同競競於是留底一眾需大休的青年再探一探個山脊，向北行前一段風景好好多。
 
＠番番山頂…癲佬得慼地食kona整的愛心雞亦，正！至於野貓…已經回左氣生活係佢0既電波世界裡面，同外間接觸不良＝＿\＝ !! 原路離開只求一登0既雞胸山頂，接番麥徑再獅山推進，不久路左有牌指示上獅子山，為一撻皮無限急昇路。
  
＠行左一半到，路旁有一大舊石，可以輕登睇下風景…至於野貓當然利用其高度繼續同外間玩無線電啦。
 
＠再上一段樓梯就到獅尾危險牌了，不禁要小休一會。
 
＠但係都要快Ｄ走…雖然青馬果面Ｄ耶穌光好靚，但係Ｄ黑雲喺飛鵝果邊殺緊過黎，急步離開把啦，就咁完成左無聊一登之旅，雞肋者，食之無味，棄之有肉…
2005年9月23日 |
文: lok 
