九龍上集

九龍名之由來，眾說紛紜，並無絕對答案，但其名稱和其四周的山脈有關卻是不爭事實，於是我就選取最近九龍市區的九個山頭意欲連登，可惜烈日登山實在不容易，只能完成半程，惟有寄望下集了。

隊員：死士落

＠獨行計劃，今時今日要作更好準備，雖然係終極輕裝，但都帶左後備衫，遮，錢，電話，相機，２Ｌ水，防水袋等等…今日曬到仙人掌都死，全程都law住遮，行馬路由彩虹上百花林都休息左次。

＠到左近百花林個亭，頂唔順，休一休先…順手睇下路線。

＠大大話話飛鵝山都去左十次，但都係第一次由東面大路上，如此烈日下都休息左幾次，但其實真係好快到。到了飛鵝近頂十字路口，終於可以試行飛鵝山北路了！！！（圖左為蛇頭響石）

＠完全行在山脊上，勁大風，有風之下烈日都易捱好多，可欣賞百看不厭的九龍和白沙灣景致。

＠好快就到５８４象山頂咧，有人堆左Ｄ石響度。５７８為象山最後一峰，幾有氣勢。

＠山頂岩石寫住今期最Hit的劇集ＯＣ。回望飛鵝，終於行左呢條北線咧，欣慰。落山咧，好快就接大路。

＠小密小路1，2分鐘就接番飛鵝山道，不禁大休一番！！

＠訓低睇藍天綠樹享受清風拂面真係值回票價。大休後都一登東山觀景台，正確黎講圖中左方小山先係東山山頂(544m)，不過費事玩草咧，走人∼

＠完成三份一！見到獅山筆架山仲係神咁遠…不久右方出現上大老山飛象站車路。

＠一上，留意大老山頂旁有個崖壁，意圖繞山頂一圈，更經過崖壁上方…

＠但結果繞了一半時被密林迫退，要原路返回馬路。大老山密林一阻之後決定放棄下半場，直奔另一目的地…

＠途中再經慈雲南坑入口…依然吸引，不過算吧啦。

＠到達目的地！食野走人，呢d真係賊船 Style咧!!~~

2005年9月16日