|
＠相約九點黃大仙早餐團但睏到0910先俾ａ先生MorningCall叫醒，正！正想放鴿之際落探員同老母好有誠意咁話等埋我先出發，咁唯有拿拿聲起身閃去會合佢地…
 
＠趕到去黃大仙食埋個靚早餐十點幾先出發，咁搞一搞已經知道今日既行程會有幾hea得幾hea，去雞胸最hea既方法就梗係先打架小巴上沙田坳道先啦。
 
＠法藏寺落車起步，沿馬路上行，完全無人做過功課，只好由報稱ｎ年前行過既師太帶路，本打算搵條小路就大方向cut上去雞胸南崖壁底，但進入了晨運小徑後景觀完全被密林遮擋住，唯有見步行步，經過左三數座四方城之後晨運徑亦到了盡頭＝＿＝
 
＠呢個時候除左搵條似樣ｄ既荒坑爆上去之外…還有別的辦法嗎？  
＠區區爆果幾十米林真係唔需要擔心，未幾脫出了重林進入了岩石區。  
＠但！發現我地條線元全左傾偏離了正軌不特止，高度更去到雞胸南崖一半＝＿＝，果一刻真係超想一野爆上頂閃人落山食飯算狗算！！唉但咁做真係無為到過唔到自已果關＝－＝
 
＠唯有覓路橫移，穿一段林去到一較為開揚的碎石坡，跟絲帶下降到石坡底…但唔係好對路，呢條應該先係玩雞胸岩崖既正確進入路線…  
＠唯有向上路埋手，再翻過一道隱脊，終於到達今日既目標物，一Ｄ都唔雞肋，有Ｄ似豬頭。此時小隊兵分兩路作胡亂攀爬，我同Ａ繞遠路一親豬咀，之後攀豬頭右壁上頂，除了有少量枯棘碎石外輕鬆登頂。
＠到頂一時驚愕，見到落探員同師太正同危崖搏鬥，下臨無地險到唔知想點，而事後聽佢地講返，最濕滯經已唔係呢個露岩位，而係之後要直攀一段滿佈枯葉…幾近垂直既泥坡，HAPPy＝＿\＝  
＠黎到呢度…雞胸南崖宣佈完了，繼續上攀五分鐘就CUT到小路。
 
＠一心極速落山飲茶既隊員零猶疑直取此小路落山，但途中竟被師太截住強制大休，仲攞蛋糕仔黎消耗我地既戰鬥力，實在係太狡猾啦ＸＤ！！！
相關遊記:
2007年10月17日 |
