|
＠臨時出席是次活動，但朝早打俾搞手落，佢竟然話自己要後到，頂！
 
＠喺西灣河地鐵站 Join 左花就去搭車入赤柱了。沿途經過大潭，見到石碑山。希望有機會可以一登。直搭到入總站赤柱炮台。喺解放軍軍營門口等遲我地一班車既痴兒。
 
＠喺軍營旁既開揚山路上山。一影營內建築物。
 
＠話咁快又到頂。落山既路好似唔多開揚，所以都係睇正Ｄ地圖先。
 
＠結果都係入林，同竹林玩左陣遊戲之後終於到達一景觀開揚的巨岩群。
＠堪稱赤柱石城。赤柱半島景色盡收眼底。
 
  
＠有好多巨岩可以一登，仲有洞穿添。由近山頂既岩組一直玩到落較低既位置，放棄鏟過去地圖話有路既地方。
 
＠避無可避，終於都要入林，不過見到路口及途中都有前人經過留下既痕跡，如膠袋，齊口被剪斷既樹枝。
 
＠林中競技。鏟林經驗豐富既領隊痴兒，一馬當先，帶領賊人殺出一條血路。初時都唔算密，但之後又密又多簕。領隊對個林既評價由「都無田灣山咁勁丫」→「有田灣山咁勁喎」→「仲勁過田灣山，阿落條ＸＸ，一星閒遊！？」一眾賊人鏟林之餘不忘咒罵阿落。
 
＠鏟左半個鐘，距離車聲同車路越黎越近，領隊終於鏟到出一個見到天既地方…點知，原來係鏟左出山坡護土牆上既樹既樹頂。足下感覺虛無得黎帶點實在， 樹頂仲可以同時承受到兩個人既重量。賊人身處既樹頂兩米外就係護土牆上既樓梯，但由於太多簕，都搞左成幾分鐘先殺到出去。
 
＠本以為出左林就出左生天啦，但係護土牆既樓梯竟然係唔到地面既，樓梯最低處同地面仲有成十幾尺，中間只有幾條鐵枝做腳位。
 
＠領隊試完第一次下降之後無功而還，而ABC則一擊即中，先行逃出生天，可以隔岸觀火睇住剩低既兩個賊人唔上唔落。
  
＠嘗試搵其他路落山，左搵右搵，結果都係經ABC果個路線下降，全員脫險，不過都花哂同不定程度地掛彩。
  
＠同遲到既阿落會合，小左佢一鑊，之後綑邊出番赤柱巿中心食野，沿途搞下事，預備下半場…
2005年12月10日 |
