|
 
＠港島率性遊再動，第一站係chyee領隊極力推薦的「下塘坑」。
 
＠下塘坑一名相信是指其起源自香港仔下水塘，由香港仔工業學校旁可入澗…闊到你驚
  
＠仲闊過大城，雙潭！而且石頭紅燈黃啡乜都有，好奇異！(…相信係污染做成＝＿\＝)
 
＠chyee心繫學習，竟然要求在此寧靜的秋日大休溫習。只見樹葉一塊一塊緩緩飄然而下，佢拈葉微笑，點一點頭，我總覺得佢喺果一刻得到了大智慧。
 
＠條澗去到水壩就完，之後我地由一Ｄ小路好快就去到田灣山腰１８０米果條路。
  
＠地圖所示，有３條比較大坑位，最終由一條睇落可行的就爆左上去…開始今日最惡一段路，條坑初初開揚，但好快就收左皮，鏟林吧！學生哥chyee校服上陣，穿林的情況令人感動…當然，山頂的情況更令人感動…零景觀。
 
＠我都唔敢相信，但真係完全見唔到天，菇就有Ｄ。
 
＠速逃吧啦，由另一荒坑急降番落大路，再暴走落薑花澗，水色ＯＫ喎，大雨要一試。
 
＠沿無休止的貝璐道上山，回望田灣山山頂…不禁攀一hit樹根發洩。
 
＠貝路道接山頂道，轉入加列山道向奇力山出發，途中豪宅多到哩…不知怎的，行馬路都迷路…
 
＠行行下唔知點樣由某度上到一開揚位置，噢！到左奇力山頂！！山頂完全削平左，係一四四方方的草地，完全３６０度景觀，望太平山太出色 ！！！
  
＠…但搵番正路先發覺原來係ＩＣＡＣ的設施，真係誤打誤撞…成功ＫＯ埋謎之奇力山，繼續城市定向尋找歌賦山頂一登…但果然如先前的資料搜集一樣，山頂比有錢佬霸左起樓了，咁我地諗住 去尖尖地0既副峰啦，沿某車路上…突然見到食Q…原來係法國總領事老巢… 閃人，完成率性之旅…
2005年11月17日 |
