|
＠約左o係修頓等，各賊人例牌的遲到。
  
＠大半個鐘後終於出發，首個目標「姻緣石」，沿途一眾賊人嚴重的𥄫女行為令人側目。一段樓梯已令大家非常撻皮。
 
＠ o係姻緣石度影下相先。
＠灣仔、跑馬地。
  
＠呢度，亦出現左呢期最常被引用語句 -「影我啦」＝＿\＝…參觀完姻緣石閃人，沿馬路暴走到達灣仔峽四五叉路口，咁多條路，都係睇清楚地圖先。確定由中峽道繼續前進，阿樂無聊一攀接回正路。
  
＠路過第一條坑旁的登山路口，發現極罕見樹蛙乙隻。但係打算由脊線登山，所以繼續前進，行多幾步就見到另一個金馬倫山入口。一開始極靚石級但斜到Kant。過左電塔就變得少密。
 
＠大概同Ｄ林仔玩左半個鐘，開頭諗住行脊線會多Ｄ景睇，點知去到近副峰頂既位置先見到個天，猶幸都仲可以起Ｄ林頂望到對岸的聶高信。
＠南區全景，聶高信、紫羅蘭、孖崗、南朗。可惜睇唔到夢之海馬。
  
＠起副峰一 hair＋影下景。與身處主峰的沛對影。
  
＠下降港島徑，眾人熱切期待阿威施展無力挽。臨到小路出口既時候竟然見到條引水道下面有個成七八尺深既大坑。賊人仔細審視一探之可能性。過埋大坑就接回大路，一眾賊人意圖提早逃脫，但最後都係屈服繼續下半場渣甸山既行程。聶高信橫腰大路暴走，經過面具石，下降黃泥涌峽。
  
＠開始日落了，一眾隊員已有夜行的覺悟…路過黃泥涌水塘公園進攻港島徑大路，中途加插跑山環節，扯爆了全數隊員。上到渣甸山天都黑哂，本想係北脊落山，但發覺完全唔可行。
 
＠唯有繼續港島徑至石礦場坳位接引水道出畢拉山道閃人。打的出灣仔𠝹扒。
2005年11月26日 |
