|
＠下午阿樂突然打黎話去閒遊，而我五點又要上堂去唔到遠，結果黃牛石城就係一個最好的選擇了。士別一日就再戰石城！
 
＠大學站集行過去阿公角再撘巴士去黃泥頭起步，經過一些花圃便會見到一個新建的地圖牌，水泥仲未乾，兩條友唔知各踩了一腳…只留下足印；只帶走回憶…向石芽背方向前進途中，發現路邊有小青一條起度哂太陽。任我地點搞佢都唔理我地…
 
＠接回麥徑，邊走邊觀察邊個鏟上去好ｄ，由於山火過後，搵唔到一條比較似樣既正路。決定在一個較為開揚既位就開始上山啦∼
 
＠亦因為燒哂ｄ植物，多左好多石玩，發現一塊岩石上有個通既洞，可以伸手入去影返出黎。
 
＠加插非必要攀爬，發現五米直壁乙塊可以一攀。掛住攀爬鏟得太高，阿樂係咁上，上到頂咁濟…結果要下降返先搵到石城既景點。
 
＠一石三景，一次過滿足三個願望~~~疊頑石、石天窗、大鳥石。
  
＠石天窗，幾別緻，可以行出去。
 
＠隔離既尖石~~大鳥，可以攀上頂，但係下臨無地幾十米！！完全係Ｒ到爆！則影疊頑石全景，最前果塊就係大雀。
 
＠獅身人面就在疊頑石右面少許，似！仲要幾好氣勢！
＠四時左右正路離開，回望黃牛石城，真係幾雄偉。返到黃泥頭等左半個鐘車先發現架車呢個時間係唔經呢個站…最後都係上唔切堂，好彩唔點名…呼∼
2004年2月11日
相關遊記:
|
